Recall Suplementonan
Inspectie Volksgezondheid Aruba (IVA), Seccion di Remedi, kier a informa tur hende cu tin diferente suplemento cu ta wordo bendi riba e mercado di Aruba y Corsou cu ta contene un ingrediente activo cu ta haci e suplemento aki un remedi segun e Ley di Remedi di Aruba y Ley di Remedi di Corsou.
Aruba ta traha den bon cooperacion cu e Inspeccion di Salubridad di Corsou. Segun e resultado di analisis di e laboratorio di Corsou, Analytisch Diagnostisch Centrum (ADC), e suplementonan riba e lista akibou ta contene un of mas ingrediente activo cu ta haci e suplemento un remedi segun e Ley di Remedi.
Kico a wordo constata?
E ingredientenan activo cu a wordo haya den e suplementonan ta entre otro e remedinan, Tadalafil, Diclofenac, Steroids y Paracetamol. E remedinan Tadalafil, Steriods y Diclofenac por haya solamente bou guia di un dokter y por tin un efecto secundario riba un persona. Tambe nan por tin interaccion cu e remedinan cu e persona ta uzando cu consecuenciacu e persona por sufri dañonan permanente na organonan of fayece. Por ehempel, daño na riñon permanente cu consecuencia cu e persona lo mester dialisa, presion halto of abou, un atake celebral of di curason. Tur e productonan aki ta wordo importa for di Colombia. E autoridad Colombiano INVIMA a wordo poni na altura.
E lista di suplemento cu ta contene remedi(nan) ta lo sigiente:
Kico a wordo haci?
IVA a tuma contacto cu tur compania registra na IVA cu ta bende e suplementonan aki cu ta contene remedi y a informa nan pa kita e productonan aki for di mercado. Sin embargo, IVA a constata cu e productona aki ta riba mercado ainda na Aruba ora cu a inspecciona varios compania den luna di februari y maart. Tambe a constata cu e productonan aki cu ta riba mercado ta wordo importa door di otro companianan cu no ta registra na IVA.
Kico mester tene cuenta cu ne?
Mirando cu e productonan ariba menciona por tin consecuencianan grave pa nos salud, ta prohibi tur persona of compania na e momentonan aki pa importa, distribui, y bende e productonan menciona.
Tambe Inspectie kier avisa tur persona pa no cumpra y/of uza un di e productonan aki. Segun e leynan di Aruba, solamente un persona cu tin permiso lo por importa y/of bende remedi. Tin un castigo penal pa e acto di importa y/ of bende remedi sin permiso. IVA por impone un multa administrativo te un maximo di 500.000 florin pa cada infraccion.